बीड (रिपोर्टर) परळी तालुक्यातील हमालवाडी येथील एका पत्र्याच्या शेडमध्ये झन्नामन्ना जुगार सुरू असल्याची माहिती सहायक पोलीस अधिक्षक पंकज कुमावत यांना मिळाल्यावरून त्यांनी रात्री त्या ठिकाणी छापा मारला. या वेळी जुगार्यांकडून 1 लाख 52 लाख 940 रुपयांचा मुद्देमाल जप्त केला. सहा जुगार्यांना पोलिसांनी रंगेहात पकडले तर 9 जुगार पळून गेले. एकूण 15 जणांवर परळी शहर पोलीस ठाण्यात गुन्हा दाखल करण्यात आला आहे.
सहायक पोलीस अधिक्षक पंकज कुमावत हे गेल्या काही दिवसांपासून ट्रेनिंगसाठी बाहेर गेले होते. ते पुन्हा जिल्ह्यात दाखल झाल्यानंतर अवैध धंद्यांवर कारवाया सुरू झाल्या आहेत. परळी तालुक्यातील हमालवाडी येथे झन्नामन्ना नावाचा जुगार सुरू असल्याची माहिती पंकज कुमावत यांना मिळाली. रात्री पावणे तीन वाजता स्वत: पंकज कुमावत यांनी आपल्या सहकार्यांना घेऊन परळी येथील हमालवाडी परिसरातील एका साईनाथ ऊर्फ बंटी माने याच्या शेडमध्ये छापा मारला असता तेथे 15 जुगारी जुगार खेळताना नऊ जण पळून जाण्यात यशस्वी झाले. सहा जणांना पोलिसांनी पकडून त्यांच्याकडून 1 लाक 52 हजार 940 रुपयांचा मुद्देमाल जप्त केला. पकडलेल्या सहा जणांकडून इतर जुगार्यांची नावे घेऊन त्यांच्यावर परळी ग्रामीण पोलीसात गुन्हा दाखल करण्यात आला आहे. ही कारवाई पोलीस अधिक्षक नंदकुमार ठाकूर यांच्या मार्गदर्शनाखाली पंकज कुमावत, पोलीस अंमलदार बाबासाहेब बांगर, बालाजी दराडे, विकास चोपणे, अंनिल मंदे यांनी केली.