परळी (रिपोर्टर) धनंजय मुंडे यांच्या कथित पत्नी करुणा मुंडेंविरोधात परळीत गुन्हा दाखल करण्यात आला आहे. करुणा मुंडे यांनी फोन करुन आपल्याला शिवीगाळ तसेच जीवे मारण्याची धमकी दिली, अशी तक्रार परळीतील एकाने केली आहे.
करुणा मुंडे यांनी काही दिवसांपुर्वी फेसबुक पोस्ट केली होती. त्या पोस्टवर कमेंट का केली म्हणून करुणा मुंडेंनी आपल्याला जीवे मारण्याची धमकी दिली, अशी तक्रार परळी शहर पोलिस ठाण्यात करण्यात आली आहे. तक्रारीनंतर करुणा मुंडेंसह आणखी एकाविरुद्ध गुन्हा दाखल करण्यात आला आहे.
परळी शहरातील पंचवटीनगर येथील रहिवासी बालाजी ज्ञानोबा दहिफळे यांनी करुणा मुंडेंविरोधात तक्रार दिली आहे. तक्रारीत दहिफळे यांनी सांगितले आहे की, काही दिवसांपुर्वी फेसबुकवर करुणा मुंडे यांनी एक पोस्ट केली होती. त्या पोस्टवर मी कमेंट केली होती. त्यानंतर 22 जानेवारी रोजी रात्री 9.40 वाजता करुणा मुंडे यांनी फोन करत तु माझ्या फेसबुक पोस्टवर कमेंट का केली म्हणुन शिविगाळ केली व जीवे मारण्याची धमकी दिली. तसेच, करुणा मुंडे यांच्या फोनवरुन अजयकुमार देडे यांनीही आपल्याला शिवीगाळ केली, अशी तक्रार दहिफळे यांनी केली आहे. या फिर्यादीवरुन परळी शहर पोलिस ठाण्यात करुणा मुंडे आणि अजयकुमार देडे यांच्याविरोधात कलम 507, 34 भादंवि प्रमाणे गुन्हा दाखल करण्यात आला आहे.
