Tuesday, December 1, 2020
No menu items!
Home बीड कोरोनाचे संकट दूर होऊन सोनेरी पहाट प्रकाशमान व्हावी -धनंजय मुंडे

कोरोनाचे संकट दूर होऊन सोनेरी पहाट प्रकाशमान व्हावी -धनंजय मुंडे

दिपावली निमित्त जिल्हा वासीयांना दिल्या शुभेच्छा
परळी (रिपोर्टर)- दिपावलीचा सण आनंद व दीपोत्सवाचे पर्व असून या निमित्त सर्वांच्या आयुष्यात सुख, समृध्दी आणि आरोग्याचा प्रकाश तेजोमय व्हावा; जगावरील कोरोनारुपी संकट दिव्यांच्या तेजोमय प्रकाशात हरवून जावे आणि एक नवीन आशादायी सोनेरी पहाट सर्वांच्या आयुष्यात प्रकाशमान व्हावी, अशा शब्दात राज्याचे सामाजिक न्याय व विशेष सहाय्य मंत्री तथा बीड जिल्ह्याचे पालकमंत्री ना.धनंजय मुंडे यांनी बीड जिल्हा वासीयांना व राज्यातील जनतेला दीपावलीच्या शुभेच्छा दिल्या आहेत.
धनत्रयोदशी निमित्त धन्वंतरी देवता प्रत्येकाच्या आयुष्यात आरोग्यसंपन्नता प्रदान करो, लक्ष्मी पुजनानिमित्त समृध्दी आणि भरभराटीने प्रत्येकाचे कौटूंबीक आयुष्य आनंदमयी व्हावे, दिवाळी पाडवा आणि भाऊबीजेच्या गोडव्याच्या माध्यमातून कौटूंबीक व सामाजिक स्नेहसंबंध वृध्दिंगत व्हावेत तसेच दीपावलीचा आनंद स्नेह व सामाजिक ऐक्य रुजवणारा ठरावा अशी आशा ना.मुंडे यांनी आपल्या शुभेच्छा संदेशाद्वारे व्यक्त केली आहे. बीड जिल्ह्यात कोरोनाचे आकडे मंदावले असले तरी धोका आणखी पूर्ण टळलेला नाही, बाजारपेठांमध्ये व रस्त्यांवर सणानिमित्त वाढणारी गर्दी या बाबत धनंजय मुंडे यांनी चिंता व्यक्त केली असून आपल्या व आपल्या कुटूंबाला सुरक्षित ठेवून सर्व शक्तीने कोरोनाला हरवणे यासाठी कोरोना विषयक योग्य त्या नियमांची खबरदारी घेणे मास्क वापरणे तसेच योग्य सामाजिक अंतर पाळणे या गोष्टी आणखी काही दिवसांसाठी नित्याच्या व सवयीच्या करुन घेण्याचे आवाहनही यानिमित्ताने ना.धनंजय मुंडे यांनी केले आहे. दिव्यांच्या तेजोमय प्रकाशात कोरोनाची काजळी दूर व्हावी तसेच फराळ व मिठाईच्या गोडव्याने सामाजिक स्नेह वृध्दिंगत व्हावा या सदिच्छांसह नागरिकांना सुरक्षिततेचे आवाहन करत धनंजय मुंंडे यांनी दीपावलीच्या शुभेच्छा दिल्या आहेत.

Most Popular

पिसाळलेल्या बिबट्याच्या हल्ल्यात तिसरा बळी जोगेश्वरी पारगांव येथील महिला ठार

पांगुळगव्हाण येथील शेतकरी प्रसंगसावधनाने हल्ल्यात बचावले नागरिकांमध्ये बिबट्याची दहशत कायम तात्काळ जेरबंद करण्याची मागणी

बिबट्याला पकडण्यासाठी ताडोबा जंगलातले एक्सपर्ट आष्टीत

बिबट्या पाथर्डी परिसरातून आला, सकाळपासून कोम्बिंग ऑपरेशन सुरूआष्टी/बीड (रिपोर्टर)- नरभक्षक बिबट्याने आतापर्यंत तिघा जणांचा बळी घेतल्याने आष्टीसह पाटोदा आणि शिरूर तालुक्यात एकच...

महाविकास आघाडीच्या एकजुटीमुळे सतिष चव्हाण करणार विजयाची हॅट्रीक

सुजान पदवीधर मतदारांची सतिष चव्हाणांनाच सर्वत्र साथगेवराई (रिपोर्टर)-महाविकास आघाडीतील राष्ट्रवादी कॉंग्रेस, इंदिरा कॉंग्रेस आणि शिवसेना तसेच इतर मित्रपक्षांच्या एकजुटीमुळे सतिष चव्हाण विजयाची...