नेकनूर (रिपोर्टर) नेकनूरच्या ग्रा.पं.अंतर्गत मोठ्या प्रमाणात भ्रष्टाचार झाला असून या प्रकरणाची चौकशी करण्यात यावी, अशी मागणी झाल्यानंतर जि.प.ने चौकशी समिती नेमली मात्र अद्यापही कामाची चौकशी झाली नाही. सदरील कामाची चौकशी करून त्याचा अहवाल पाठविण्याची मागणी केली जाऊ लागली.
नेकनूर ग्रामपंचायतअंतर्गत मोठ्या प्रमाणात कामे झाली. सदरील कामे कागदावर दाखवून सरपंच व ग्रामसेवकाने मलिदा लाटण्याचे काम केले. या भ्रष्टाचार प्रकरणाचे वृत्त रिपोर्टरमध्ये प्रकाशीत झाल्यानंतर जिल्हा परिषद विभागाने कामाच्या चौकशीसाठी समिती नेमली. समितीने अद्यापही या प्रकरणाची चौकशी केली नसून तात्काळ चौकशी करून दोषंविरोधात कारवाई करण्याची मागणी केली जात आहे.