बीड (रिपोर्टर) जिल्हा रुग्णालयामध्ये प्रसुत झालेल्या एका महिलेवर तीन तास शस्त्रक्रिया करून महिलेचे प्राण वाचवण्यात आले आहे. सध्या महिलेची प्रकृती सुधारत आहे.
सुजाता प्रशांत कोकाटे (रा. दासखेड ता. पाटोदा) ही महिला काल पाटोदा येथे प्रसुत झाली होती. मात्र तिचा रक्तस्त्राव थांबत नसल्याने तिला गंभीर अवस्थेत जिल्हा रुग्णालयात दाखल करण्यात आले होते. रात्री एक वाजता जिल्हा शल्यचिकित्सक डॉ. सुरेश साबळे यांच्या मार्गदर्शनाखाली डॉ. संतोष शहाणे, डॉ. चव्हाण, डॉ. राठोड, डॉ. अभिषेक जाधव, डॉ. मकसुद, डॉ. मोराळे, डॉ. गुट्टे, सिस्टर दाणे यांनी यशस्वी शस्त्रक्रिया केली. या शस्त्रक्रियेमुळे महिलेला जीवदान मिळावले.