बीड (रिपोर्टर) बीड शहरातील वाहतूक दिवसेंदिवस बेशिस्त होत चाललेली आहे. वाहतुकीच्या नियमाचे पालन होऊन शिस्त लागण्यासाठी आज सकाळी बीड शहरातील अण्णाभाऊ साठे चौक – माळीवेस मार्गे छत्रपती शिवाजी महाराजांच्या पुतळ्यापर्यंत अप्पर पोलीस अधिक्षक सचीन पांडरकर यांनी पथसंचलन केले. समवेत बीड शहर पोलीस ठाण्याचे पोलीस निरीक्षक रवी सानप, वाहतूक विभागाचे पोलीस निरीक्षक उपस्थित होते.
बीड शहरामध्ये टू व्हीलर, रिक्षा चालक आणि इतर वाहने कोणत्याही वाहतूकीचे नियमाचे पालन न करता कसेही वाहने चालवतात. पार्किंग व्यवस्था सुद्धा शहरातील नियमाने होत नाही त्यामुळे सुभाष रोड, माळीवेस, शिवाजी चौक, स्टेडियम, जिल्हाधिकारी कार्यालयासमोर नेहमीच वाहतूक कोंडी होते. त्यामुळे आज सकाळी 11 ते 12 च्या दरम्यान साठे चौकातून वाहतूकीला नियम लागावे म्हणून अतिरिक्त पोलीस अधिक्षक सचीन पांडकर यांनी स्वत: वाहतूक पोलिसांना सोबत घेऊन पथसंचलन केले. या वेळी त्यांच्यासमवेत बीड शहर पोलिस ठाण्याचे पोलीस निरीक्षक रवी सानप, वाहतूक विभागाचे पोलीस निरीक्षक यांच्यासह मोठ्या संख्येने पोलीस सहभागी होते.