अवैध वाळुचा ट्रॅक्टर पकडला
बीड (रिपोर्टर) : जिल्ह्यात अवैध वाळुचा उपसा मोठ्या प्रमाणात होत आहे. माजलगाव तालुक्यातून सर्रासपणे वाळुचा उपसा होत असल्याची माहिती पोलिसांना मिळताच काल रिदोरी शिवारात धाड टाकली असता अवैध वाळुचा एक ट्रॅक्टर पोलिसांनी ताब्यात घेतला.
माजलगाव ग्रामीण पोलीस ठाण्याच्या हद्दीतील रिदोरी शिवारात वाळु उपसा होत असल्याची माहिती ग्रामस्थांनी पोलिसांना दिली. ग्रामीण पोलिसांनी तात्काळ त्या ठिकाणी धाड टाकून अवैध वाळुचा ट्रॅक्टर जप्त केला.
