वडवणी शाखेत 79 लाख 67 हजार 324 रुपायाचा अपहार करुन ठेवीदारांची फसवणुक केली
वडवणी (रिपोर्टर):- वडवणी येथील कार्यरत आसणाऱ्या आणि दिवाळखोरीत निघालेल्या लक्ष्मीमाता अर्बन क्रेडिट निधी लिमिटेड या खाजगी बँकेचे चेअरमनसह व्यवस्थापकांनी तब्बल 79 लाख 67 हजार 324 रुपायाच्या ठेवीची फसवणुक करुन अपहार केल्या प्रकरणी वडवणी पोलीसात गुन्हा दाखल करण्यात आला असल्याने एकच खळबळ उडाली आहे.
याप्रकरणी पिंपळा रुई येथील शेतकरी लालासाहेब निवृत्ती आंधळे यांनी फिर्याद दिली आहे. यात असे म्हटले आहे कि, वडवणी याठिकाणी लक्ष्मीमाता अर्बन केडीट निधी लिमिटेडची शाखा कार्यरत होती. या बँकेचे चेअरमन आणि व्यवस्थापकानी संगणमत करुन वरील फिर्यादी व इतर ठेवीदारांना त्यांच्या बँकेत जास्त व्याजदार देवू असे सांगून ठेवीदार यांचा विश्वास संपादन करुन फिर्यादीसह ठेवीदारांचा विश्वासघात करत दिशाभूल करुन तब्बल 79 लाख 67 हजार 324 रुपायाचा अपहार करुन फसवणूक केल्या प्रकरणी या बँकेचे चेअरमन परमेश्वर गुलाब राठोड रा. लक्ष्मीबाई तांडा नाळवंडी ता.जि.बीड व व्यवस्थापक रामराज नागोराव तिडके रा. चिंचवडगांव ता.वडवणी जि.बीड यांच्या विरोधात वडवणी पोलीसात गु.र.न.143/2024 कलम 420,406, 409 भादवीसह 3,4 मा. ठेवीदारांचे हितसंबधाचे संरक्षण आधी. यानुसार दाखल झाला आहे.तर 79,67,324 अपहार दि. 22 जुलै 2022 ते दि. 28 डिसेंबर 2023 दरम्यान प्रकार घडलेला आहे. यातील आरोपी फरार असल्याचे बोलले जाते. तर याबाबत तपास आधिकारी तथा वडवणी पोलीस स्टेशनचे ठाणेप्रमुख अमन सिरसट यांच्याशी या प्रकरणा बाबत संपर्क साधला आसता ते वरिष्ठासोबत असल्याने प्रतिक्रिया कळू शकलेली नाही.
