बीड (रिपोर्टर) माजलगाव ग्रामीण ठाण्यामध्ये कार्यरत असलेल्या एका महिला पोलीस कर्मचार्‍याची पोलीस कर्मचार्‍यानेच छेड काढली आहे. या प्रकरणी पोलीस कर्मचार्‍याविरोधात माजलगाव शहर ठाण्यात गुन्हा दाखल करण्यात आला आहे.
हरीश्‍चंद्र खताळ हा पोलीस कर्मचारी माजलगाव ग्रामीण ठाण्यामध्ये कार्यरत आहे. या कर्मचार्‍याने त्याच ठाण्यात कार्यरत असलेल्या एका 34 वर्षीय महिला पोलीस कर्मचार्‍याची छेडछाड केली. सोशल मिडियाच्या माध्यमातून मॅसेजही पाठवले. या प्रकरणी महिला कर्मचार्‍याने माजलगाव शहर पोलीस ठाण्यात तक्रार दाखल केली. त्यानुसार कर्मचार्‍याच्या विरोधात गुन्हा दाखल करण्यात आला आहे. दरम्यान पोलीस कर्मचारी हरिश्‍चंद्र खताळ याच्या पत्नीच्या विरोधातही गुन्हा दाखल करण्यात आला आहे.
