खुल्या प्रवर्गातील पाच जागांचा निकाल सायंकाळपर्यंत, इथेही चव्हाणांचे उमेदवार आघाडी घेऊन
औरंगाबाद (रिपोर्टर) डॉ. बाबासाहेब आंबेडकर मराठवाडा विद्यापीठाच्या अधिसभा पदवीधर गटातील 10 जागांसाठी झालेल्या मतदानानंतर काल सकाळपासून मतमोजणीला क्रीडा विभागातील बॅडमिंटन सभागृहात कुलसचिव डॉ. भगवान साखळे यांच्या उपस्थितीत सुरुवात झाली असता आज 10 पैकी 5 निकाल हाती आले असून यामध्ये महाविकास आघाडीचे आ. सतीश चव्हाण यांच्या उत्कर्ष पॅनलचे पाचही जण मोठ्या मताधिक्याने विजयी झाले आहेत. यामध्ये बीड येथील ओबीसींमधून उमेदवार असलेले सुभाष राऊत यांचाही मोठ्या मताधिक्याने विजय झाला आहे.
डॉ. बाबासाहेब आंबेडकर मराठवाडा विद्यापीच्या अधिसभा पदवीधर गटातील 10 जागांसाठी शनिवारी मतदान झाले. आ. सतीश चव्हाण यांनी महाविकास आघाडीकडून उत्कर्ष पॅनल निवडणूक रिंगणात उतरवला होता तर भारतीय जनता पार्टीने विद्यापीठ विकास मंच नावाने पॅनल निवडणूक रिंगणात उतरवला होता. अन्य अपक्षांसह 53 उमेदवारांसाठी 36 हजार 254 पैकी केवळ 18 हजार 400 (50.75 टक्के) पदवीधरांनी मतदानाचा हक्क बजावला. क्रीडा विभागातील बॅडमिंटन सभागृहात सोमवारी सकाळी 10 वाजता कुलगुरू डॉ. प्रमोद रेवले रांच्रा मार्गदर्शनाखाली मतमोजणीच्रा प्रक्रिरेला सुरुवात झाली. आज प्रत्यक्षात निकाल येण्यास सुरुवात झाली असून 10 जागांपैकी आरक्षीत प्रवर्गातील 5 जागांची मतमोजणी पुर्ण झाल्यानंतर महाविकास आघाडीचे आ. सतीश चव्हाण यांच्या पॅनलचे पाचही उमेदवार विजयी झाले आहेत. यामध्ये एक शिवसेनेचा उमेदवार आहे. आरक्षीत प्रवर्गातून बाजी मारलेल्यांमध्ये सुनिल मगरे (अनुसुचित जाती), सुनिल निकम (अनुसुचित जमाती), सुभाष राऊत (ओबीसी), दत्तात्रय भांगे (एनटी), पुनम पाटील (महिला राखीव (शिवसेना) हे उमेदवार मोठ्या मताधिक्याने विजयी झाले आहेत. खुल्या प्रवर्गातील पाच जागांसाठी मतमोजणी सुरू असून याचा निकाल सायंकाळपर्यंत येणे अपेक्षीत आहे. सुत्रांच्या माहितीनुसार या पाच जागांमध्येही महाविकास आघाडीच्या पॅनलचे उमेदवार आघाडीवर असल्याचे सांगण्यात येते.
मतमोजणीसाठी प्रत्रेक सत्रात 40 प्राध्रापक, अधिकारी, कर्मचारी असे एकूण 120 जण नेमण्रात आले आहेत. मतमोजणी केंद्रांवर ‘सीसीटीव्ही’द्वारे लक्ष ठेवण्रात रेत आहे. मतमोजणी प्रक्रिरेला तारांनी बंदिस्त करण्रात आले असून, 16 कॅमेरे लावण्रात आले आहेत. मतमोजणीसाठी कंट्रोलरूमची स्थापना करण्रात आली असुन तगडा पोलीस बंदोबस्त आहे.
पदवीधरांचा आ.सतीश चव्हाण यांच्यावर दृढ विश्वास
पदवीधर मतदारसंघातून आमदार असलेले सतीश चव्हाण यांच्यावर पदवीधरांचा दृढ विश्वास असल्याचे पुन्हा एकदा सिद्ध होत असून सिनेटच्या निवडणुकीमध्ये महाविकास आघाडी मार्फत आ. सतीश चव्हाण यांनी पॅनल टाकले असता आतापर्यंत त्यांच्या पॅनलचे पाच उमेदवार मोठ्या मताधिक्याने विजयी झाले आहेत. खुल्या प्रवर्गातील उमेदवारांची मतमोजणी सुरू झाली असून यामध्येही सतीश चव्हाण यांचे उमेदवार आघाडी घेऊन असल्याचे सांगण्यात येते. त्यामुळे पदवीधरांचा आ. सतीश चव्हाण यांच्यावर विश्वास असल्याचे सिद्ध होते.
दहा जागांसाठी असे झाले मतदान
जिल्हा मतदार मतदान टक्के
औरंगाबाद 17,436 8,386 48.49
बीड 12,370 6,737 54.46
जालना 3,947 1,879 47.60
उस्मानाबाद 2,501 1,398 55.53
एकूण 36,254 18,400 50.75
पुरुष 28,461 15,175 53.31
महिला 7,793 3,225 41.38
