माजलगाव (रिपोर्टर) देशात गेल्या काही वर्षांपासून लव्ह-जेहाद व धर्मांतर करणे यामध्ये खूप मोठ्या प्रमाणावर वाढ झाली असल्याचे सांगत माजलगाव येथील समस्त हिंदू समाजाने आज एकत्रीत येत तहसील कार्यालयावर लव्ह-जेहाद धर्मांतर विरोधात मोर्चा काढला. लव्ह जेहाद व धर्मांतरविरोधातील कायदा त्वरीत पारित करण्याची मागणी केली. सदरचे निवेदन हे तहसीलदारांमार्फत मुख्यमंत्री एकनाथ शिंदे यांना पाठवण्यात आले.
आज सकाळी माजलगाव शहरातून हजारोंच्या संख्येने महिलांसह आबालवृद्धांनी एकत्रित येऊन लव्ह-जेहाद धर्मांतर कायदा करण्यासाठी आपली मागणी लावून धरली. या मोर्चामध्ये महिलांची मोठ्या संख्येने उपस्थिती होती. गेल्या काही वर्षांपासून देशातील शहरी भागांसह ग्रामीण भागामध्ये लव्ह-जेहाद आणि धर्मांतराचे प्रकरण मोठ्या प्रमाणावर वाढत आहेत. हे प्रकरणे रोखण्यासाठी लव्ह-जेहाद धर्मांतरण कायदा त्वरीत पारीत करण्यात यावा यामागणीसह अन्य मागण्यांसाठी हा मूकमोर्चा काढण्यात आला होता.
लव्ह-जेहाद धर्मांतरण विरोधी कायदा करा; माजलगावात जबरदस्त मोर्चा
