माजलगाव (रिपोर्टर) भरधाव वेगात असणार्‍या अज्ञात वाहनाने मोटरसायकलला दिलेल्या धडकेत 32 वर्षीय युवक जागीच ठार झाला.ही घटना शनिवार दि. 20 रोजी माजलगाव गेवराई रोड वरील लोकसेवा धाब्यासमोर दुपारच्या दरम्यान घडली.
विकास रामदास खरात (वय 32 वर्ष रा.केसापुरी- माजलगाव)असे अपघातात मरण पावलेल्या युवकाचे नाव आहे.एका पेट्रोल पंपावर मोटरसायकल (क्र.ाह 20,स.क्ष.2283)मध्ये पेट्रोल भरून तो माजलगावकडे येत असल्याची माहिती आहे.दरम्यान यावेळी माजलगावकडून गेवराईकडे जाणार्‍या अज्ञात वाहनाने विकास खरात यांच्या गाडीला जोरदार धडक दिली.या भीषण अपघातात विकास खरात याच्या डोक्याला गंभीर मार लागल्याने तो जागीच ठार झाला.तर मोटारसायकलला धडक दिलेले अज्ञात वाहन सुसाट वेगाने घटनास्थळापासून निघून गेले.दरम्यान घटनास्थळी पोलीस दाखल झाले असून मृत शरीराला ग्रामीण रुग्णालयात हलवण्यात आले आहे.
अज्ञात वाहनाच्या धडकेत दुचाकीस्वार युवक ठार
