प्रत्येक गावच्या ग्रामपंचायतसमोर देणार ठिय्या
बीड (रिपोर्टर)- मनोज जरांगे पाटील यांच्या सुरु असलेल्या मराठा आरक्षण आंदोलनाच्या समर्थनार्थ बीड जिल्ह्यात सोमवार दि. 2 ऑक्टोबर रोजी लाक्षणिक आंदोलन करण्यात येणार आहे. प्रत्येक गावात, तालुक्याच्या ठिकाणी तहसील जिल्हाधिकारी कार्यालयासमोर हे आंदोलन केले जाणार आहे.
मराठा आरक्षणप्रश्नावर राज्यभरात विविध ठिकाणी आंदोलन करण्यात येत आहेत. मनोज जरांगे पाटील हे सध्या राज्याच्या दौर्यावर असून यादरम्यान त्यांच्या समर्थनार्थ बीड जिल्ह्यात पुन्हा एकदा आंदोलनाची हाक देण्यात आली आहे. दि.2 ऑक्टोबर रोजी बीड जिल्ह्यातील प्रत्येक गावात ग्रामपंचायत समोर, तालुक्याच्या ठिकाणी तहसील कार्यालयासमोर तसेच जिल्ह्याच्या ठिकाणी जिल्हाधिकारी कार्यालयासमोर सकाळी 11 ते 1 वाजेपर्यंत लाक्षणिक आंदोलन करण्यात येणार आहे. या आंदोलनात मोठ्या संख्येने सहभागी व्हावे असे आवाहन मराठा क्रांती मोर्चाच्या वतीने करण्यात आले आहे.
