अंमळनेर हद्दीत दिराने केला भावजाईवर बलात्कार
नवर्यासह सासू-सासर्यांवर बलात्काराचा गुन्हा
आष्टी (रिपोर्टर) घरासमोर राहणार्या सतरा वर्षीय मुलीवर भावाला जिवे मारण्याची धमकी देत सातत्याने बलात्कार करणार्या नराधमाने मुलीस विष पाजून स्वत:ही विष प्राशन करत आत्महत्या करण्याचा प्रयत्न केल्याची खळबळजनक घटना आष्टी तालुक्यातील गावात घडली. या घटनेने सर्वत्र खळबळ उडाली असून पिडिता आणि बलात्कारी नगरच्या रुग्णालयामध्ये उपचार घेत असल्याचे सांगण्यात येते तर दुसरीकडे अंमळनेर पोलीस ठाण्याच्या हद्दीत दिराने भावजईवर बलात्कार केल्याची घटना उघडकीस आली आहे. सदरचे पाप कोणाला सांगू नको, म्हणत नवर्यासह सासरच्यांनी संबंधित महिलेस बेदम मारहाण केल्याचेही उघड झाल्याने गुन्हा दाखल करण्यात आला आहे.
आष्टी व पाटोदा तालुक्यात दोन बलात्काराच्या घटना त्याही गंभीर स्वरुपाच्या दाखल झाल्याने एकच खळबळ उडाली आहे. पाटोदा तालुक्यातील अंमळनेर पोलीस ठाण्याच्या हद्दीत एका गावात दिराने भावजईवर बलात्कार पिण्यासाठी पाणी आणण्याचे सांगून पिडितेला घरात बोलवण्यात आले. तिथे तिच्या साडीला हात घालत दिराने आपले तोंड काळे केले. याची वाच्यता कुठेही करू नको म्हणून पिडितेच्या नवर्याने आणि सासू-सासर्यासह भायाने तिला बेदम मारहाण केली. या घटनेची फिर्याद घटस्थापनेच्या पुर्वसंध्येला अंमळनेर पोलिसात दिल्यानंतर या प्रकरणी मुख्य आरोपी दीर, नवरा, भाया, सासू, सार्यासह अन्य एकावर कलम 376, 376 (फ), 323, 504, 506, 34 भा.दं.वि.नुसार गुन्हा दाखल करण्यात आला आहे. गुन्हा दाखल होताच ठाणेप्रमुख चंद्रकांत गोसावी यांनी मुख्य आरोपीच्या मुसक्या बांधल्या. तर दुसरीकडे आष्टी पोलीस ठाण्याच्या हद्दीत आणखी एक अल्पवयीन मुलीवर बलात्कारासह तिला जिवे मारण्याचा प्रयत्न झाला आहे. आष्टी पोलिसांच्या हद्दीत असलेल्या एका गावात सतरा वर्षीय पिडिता आणि 22 वर्षीय नराधम हे एकमेकांच्या घराजवळ राहतात. गेल्या काही दिवसांपासून नराधमाने मुलीच्या भावाला जिवे मारण्याची धमकी देत मुलीला अन्य आमिषे दाखवत तिच्यावर सातत्याने बलात्कार केला. जेव्हा मुलगी सातत्याने होणार्या अत्याचाराला विरोध करू लागली तेव्हा त्या नराधमाने संबंधित मुलीस विष पाजून तिला जिवे मारण्याचा प्रयत्न केला. एवढ्यावर न थांबता आरोपीने स्वत: विष प्राशन करून आत्महत्येचा प्रयत्न केला. या प्रकरणाची तक्रार आष्टी पोलिसात देण्यात आली असून या प्रकरणी नराधमावर गु.र.नं. 466/2023 कलम 376, 376 (2), 307, 506 भादंवि सह कलम 4, 8, 12 पोक्सो अॅक्ट 2012, प्रमाणे गुन्हा दाखल करण्यात आला आहे. आष्टी आणि पोटादा तालुक्यात घडलेल्या बलात्काराच्या या दोन गंभीर घटनांनी खळबळ डाली आहे.
