बैलगाडी- मोटारसायकल अपघातात
ऊसतोड मजुराचा मृत्यू, एक गंभीर.!
माजलगांव, रिपोर्टर :- कर्नाटकातील साखर कारखाना येथे ऊस तोडणीला जात असताना टाकरवण फाटा ता.माजलगाव, येथे मोटारसायकल- बैलगाडी च्या अपघातात एक ऊसतोड मजूराचा मृत्यू झाला तर एक जखमी झाल्याची घटना 26 आक्टोबर बुधवार रोजीच्या सायंकाळी 6:30 वाजेच्या दरम्यान घडली. या अपघाता प्रकरणी समजलेली माहिती अशी की,जयराम भोजीराम पवार (35वर्षे) रा.जामगा तांडा,तालखेड;ता. माजलगांव हे प्रति वर्षी ऊस ऊसतोडणी कामगार म्हणून ऊस तोडणीचे काम करीत असत. याही वर्षी ऊस तोडणीला कर्नाटक येथील साखर कारखान्याला जाणार होते काही वेळा पूर्वीच त्यांचा परिवार ट्रक मध्ये बसून ते व इतर एक जण मोटर सायकल क्र . एमएच-44/ ई 8490वर बसुन कारखान्याच्या वाहना मागे जात असताना राष्ट्रीय महामार्ग-61वरील माजलगांव तालुक्यातील माजलगांव-गढी रोडवर टाकरवण फाटा येथे शेतातुन येणार्‍या बैल गाडीला जोराची धडक बसली. यात जयराम पवार यांचा जागीच मृत्यु झाला तर इतर एक गंभीर जखमी झाला दरम्यान जयराम चे पार्थीव माजलगांव रुग्णालयात शवविच्छेदना साठी ठेवले असून जखमीला बीड येथे पाठवण्यात आले आहे . मयत जयराम पवार यांच्या पश्चात पत्नी,दोन मुले आहेत या मुळे तांड्यावर शोक कळा पसरली आहे .
