परभणी चौफाळ्यावर रास्ता रोको; वाहनांच्या रांगाच रांगा
परभणी चौफळ्यावर आ. सोळंके यांच्या नेतृत्वात रास्ता रोको आंदोलन
माजलगाव (रिपोर्टर)- शहरातुन झालेल्या खामगाव – पंढरपुर या पालखी महामार्गावर माजलगाव – तेलगाव दरम्यान रस्त्यावर पडलेल्या भेगांमुळे रस्त्याची दुरावस्था झाली असुन याबाबत मागील दोन वर्षांपासुन वारंवार तक्रारी, निवेदने देउन देखिल रस्ते प्राधिकरण अथवा शासन दखल घेत नसल्याने महायुतीच्या वतीने आमदार प्रकाशदादा सोळंके यांच्या नेतृत्वाखाली परभणी चौफळ्यावर आज दि. 15 जानेवारी 2024 रोजी रास्ता रोको आंदोलन केले.
गेल्या अनेक दिवसांपासून खामगाव पंढरपूर हा रास्ता माजलगाव ते तेलगाव रास्ता अत्यंत खराब झाल्याने या रस्त्यावर अपघाताचे प्रमाण मोठया प्रमाणात वाढले आहे तसेच काहींना जीव गमवावा लागला आहे या रस्त्याचे काम मागील पाच ते सहा वर्षापासून सुरू असून अपूर्ण अवस्थेत आहे माजलगाव शहरातील नालीचे बांधकाम न केल्यामुळे पावसाळ्यामध्ये रस्त्यावरील दुकानदारांच्या दुकानात व नागरिकांच्या घरांमध्ये पाणी जाते यामुळे व्यापारी व नागरिकांना त्रास होत आहे. याबाबत वारंवार तक्रारी, निवेदने देउन देखिल रस्ते प्राधिकरण दखल घेत नसल्याने महायुतीच्या वतीने आमदार प्रकाशदादा सोळंके यांच्या नेतृत्वाखाली परभणी चौफळ्यावर आज दि. 15 जानेवारी 2024 रोजी रास्ता रोको आंदोलन केले. दरम्यान येत्या आठ दिवसांत रस्ता दुरूस्तीचे काम करण्यात येणार असल्याचे रस्ते प्राधिकरणच्या अधिक-यांनी आंदोलकांना आश्वासन दिल्यानंतर आंदोलन मागे घेण्यात आले. आंदोलनात आमदार प्रकाश सोळंके, सभापती जयदत्त नरवडे, नितीन नाईकनवरे, चंद्रकांत शेजुळ, कल्याण आबुज, डॉ. उध्दव नाईकनवरे, विलास साळवे, डॉ. वसिम मनसबदार, विजय शिंदे, कैलास टाकणखार यांचेसह महायुतीचे नेते, कार्यकर्ते, पदाधिकारी आंदोलनात सहभागी झाले होते. आंदोलनस्थळी मोठा पोलिस बंदोबस्त तैनात करण्यात आला होता.