नवी दिल्ली : लोकशाहीचा उत्सव मानल्या जाणाऱ्या आणि संपूर्ण देशाला उत्कंठा लागून राहिलेल्या सार्वत्रिक लोकसभा निवडणुकीची घोषणा आज केंद्रीय निवडणूक आयोगाकडून करण्यात आली आहे. मुख्य निवडणूक आयुक्त राजीव कुमार यांच्यासह नवनियुक्त निवडणूक आयुक्त ज्ञानेशकुमार आणि सुखबीरसिंग संधू यांनी लोकसभा निवडणुकांच्या तारखांची घोषणा केली. देशात ७ टप्प्यांत निवडणूक होईल. एप्रिलच्या तिसऱ्या आठवड्यापासून जून महिन्याच्या पहिल्या आठवड्यापर्यंत मतदान होवून ४ रोजी निकाल लागेल. ४ राज्यांमधील २६ विधानसभा मतदारसंघात पोटनिवडणुका होणार आहेत. दुसरीकडे महाराष्ट्रात पाच टप्प्यांत मतदान होणार असून १९ एप्रिलला पहिला टप्पा, २६ एप्रिलला दुसरा टप्पा, ७ मे रोजी तिसरा टप्पा, १३ मे रोजी चौथा टप्पा तर २० मे रोजी पाचवा आणि अखेरच्या टप्प्यात मतदान होईल.
टप्पा १:- १९ एप्रिल २०२४ (१०२ जागा)
टप्पा २:- २६ एप्रिल २०२४ (८९ जागा)
टप्पा ३:- ०७ मे २०२४ (९४ जागा)
टप्पा ४:- १३ मे २०२४ (९६ जागा)
टप्पा ५:- २० मे २०२४ (४९जागा)
टप्पा ६:- २५ मे २०२४ (५७ जागा)
टप्पा ७:- १ जून २०२४ (५७ जागा)
मतमोजणी :- ४ जून २०२४
निवडणुका जाहीर होताच संपूर्ण देशात आचारसंहिताही लागू झालेली आहे. निवडणुकीतील गैरप्रकार रोखण्यासाठी अनेक नवी पावले उचलली आहेत, असा दावा आयोगाने केला आहे. या वेळी लोकसभा निवडणुकीत देशातील सुमारे ९७ कोटी मतदार हक्क बजावणार आहेत.
बीड चौथ्या टप्प्यात १३ मे ला मतदान
चौथा टप्पा (११ मतदारसंघ) 13 मे 2024 अहमदनगर, शिर्डी, बीड, नंदुरबार, जळगाव, रावेर, जालना, छ. संभाजीनगर, मावळ, पुणे, शिरुर (एकूण ११)
गेल्यावेळी सात टप्प्यांत निवडणूक, २३ मे रोजी झाली होती मतमोजणी
याआधीच्या (सन २०१९) सार्वत्रिक निवडणुकांचे वेळापत्रक १० मार्च रोजी जाहीर करण्यात आले होते. तेव्हा ११ एप्रिल ते १९ मे दरम्यान सात टप्प्यांत निवडणूक झाली होती. गेल्या वेळी ६७.१ टक्के मतदान झाले होते. २३ मे रोजी मतमोजणी झाली होती.
देशभरातील मतदारांची आकडेवारी काय सांगते?
१.८९ कोटी नवमतदार
१८ ते २१ वर्ष वयोगटात २१.५० कोटी मतदार
१८ ते २१ वर्ष वयोगटात ८५ लाख महिला मतदार
२० ते २९ वर्ष वयोगटात १९.४७ लाख मतदार
८२ लाख मतदार ८५ वर्षांवरील वयोगटातील
२ लाख १८ हजार मतदार १०० वर्षांवरील मतदार
४८ हजार तृतीयपंथी मतदार
मतदानाची वैशिष्ट्ये
- आमच्याकडे ९७ कोटी नोंदणीकृत मतदार, १०.५ लाख मतदान केंद्रे, १.५ कोटी मतदान अधिकारी आणि सुरक्षा कर्मचारी, ५५ लाख ईव्हीएम, चार लाख वाहने आहेत.
- ८५ लाख वर्ष वयोगटावरील मतदार, ४० टक्क्यांहून अधिक दिव्यांगत्व असलेल्या मतदारांच्या घरी जाऊन मतदान घेणार, फॉर्म १२ डी भरुन देणाऱ्यांना सुविधा
- मतदान केंद्रावर पिण्याचे पाणी, शौचालय, दिव्यांगांसाठी रॅम्प या व्यवस्था असणार
- Know Your Candidate अॅपच्या माध्यमातून तुम्हाला तुमच्या उमेदवाराची माहिती मिळवता येणार
- हिंसा रोखण्यासाठी अधीक्षक, जिल्हाधिकाऱ्यांना आदेश
- 4 Ms: Muscle (शक्ती), money (पैसा), misinformation (अफवा) आणि MCC violations (आचारसंहिता भंग) या चार गोष्टींवर विशेष लक्ष
- निवडणुकीत रक्तपात आणि हिंसाचाराला जागा नाही, जिथून हिंसाचाराची माहिती मिळेल, आम्ही त्यांच्यावर कारवाई करू
- स्टार कॅम्पेनर्शना नियमावली देण्याचे पक्षांना आदेश, प्रचारात लहान मुलांना समाविष्ट न करण्याच्या स्पष्ट सूचना
- संपूर्ण निवडणूक प्रक्रियेवर २१०० निरीक्षकांची करडी नजर
देशभरात कधी मतदान?
पहिला टप्पा – १९ एप्रिल २०२४
दुसरा टप्पा – २६ एप्रिल २०२४
तिसरा टप्पा – ७ मे २०२४
चौथा टप्पा – १३ मे २०२४
पाचवा टप्पा – २० मे २०२४
सहावा टप्पा – २५ मे २०२४
सातवा टप्पा – १ जून २०२४
निकाल – ४ जून २०२४
