अर्धामसला (रिपोर्टर): गेवराई तालुक्यातील सिरसदेवी फाट्यावर एसटी महामंडळाची बस आणि दुचाकीचा भीषण अपघात झाल्याची घटना घडली आहे. यामध्ये दुचाकी वरील दोघेजण गंभीर जखमी झाले असून, त्यांना तात्काळ उपचारासाठी रुग्णालयामध्ये दाखल करण्यात आले आहे. सदर घटना आज शनिवारी सकाळी घडली आहे.
गेवराई तालुक्यातील सिरसदेवी फाट्यावर आज शनिवार दिनांक 20 जुलै रोजी, सकाळी आठ वाजण्याच्या सुमारास, भरधाव वेगात आलेली एसटी महामंडळाची बस, सदर बस माजलगावहून पुणे कडे चालली होती. मात्र ती गेवराई तालुक्यातील शिरसदेवी फाट्यावर आली असता, समोरून भरधाव वेगात आलेली दुचाकी समोरासमोर बसला धडकली. अपघात एवढा भीषण होता की, दुचाकी समोरून बसच्या आत मध्ये घुसली. यामध्ये दुचाकी वरील दोघेजण गंभीरित्या जखमी झाले असून, त्यांना गेवराई येथील उपजिल्हा रुग्णालयात उपचारासाठी दाखल करण्यात आले. यामध्ये त्यांची प्रकृती चिंताजनक असल्याचे सांगण्यात आले. यामध्ये दोन्ही वाहनांचे मोठे नुकसान झाले आहे. तात्काळ घटनास्थळी नागरिकांनी मोठी गर्दी केली होती व पोलिसांना याची माहिती दिली.
