बीड नगर परिषद चा प्रताप
बीड (रिपोर्टर): आज बीड नगरपरिषद कामगार कर्मचारी युनियन यांच्या वतीने जिल्हाधिकारी कार्यालयासमोर उपोषण करण्यात आले. बीड नगर परिषदेतील मलेरिया विभागाच्या 18 कर्मचार्यांची नोकरी संपुष्टात आणली गेली. तसेच, त्यांना डिसेंबर 2022 पासून 30 महिन्यांचे पगार न मिळाल्याने आज ते जिल्हाधिकारी कार्यालयासमोर उपोषणास बसले आहेत.
बीड नगर परिषदेच्या मलेरिया विभागात 18 कर्मचारी कमीत कमी 14 वर्षे आणि जास्तीत जास्त 41 वर्ष सेवा करणार्या कर्मचार्यांना सेवेतून कमी करण्यात आले आहे. सेवेतून कमी करण्याविषयी आणि पगार न देण्या विषयी शासनाच्या कोणत्याही स्वरूपाचे आदेश नसताना बीड नगरपरिषदेने त्यांना नोकरी मधून तडकाफडकी काढण्याचा निर्णय घेतला. मलेरिया विभागातील कर्मचार्यांच्या सेवा पूर्ववत चालू ठेवाव्यात त्यांचे 30 महिन्याचे थकलेले पगार त्यांना देण्यात यावे. अशी मागणी दिलीप अच्युत लांडगे, अशोक मुरलीधर जोगदंड, सुभाष विठ्ठल धायरे, निर्मला किसन साखरवाड, नवनाथ उत्तम घाडगे, शेख युसुफ शेख गुलाब, अशोक सुदाम गरजे, व राजेंद्र ज्ञानदेव रोकडे या कर्मचार्यांनी केली आहे.
