खळबळजनक : न्यायालयातच सरकारी वकिलाने घेतली फाशी

वडवणीच्या न्यायालयातील घटना
अंबाजोगाईच्या अप्पर पोलीस अधिक्षकांची घटनास्थळी भेट
मृत वकिलाच्या खिशात सापडली चिठ्ठी

वडवणी (रिपोर्टर):- वडवणी न्यायालयातील कार्यरत असणारे सहाय्यक सरकारी अभियोक्ता अ‍ॅड. व्हि.एल. चंदेल (वय अंदाजे 47 वर्षे)  यांनी कार्यालयातच आज सकाळी दहा वाजता गळफास घेऊन आत्महत्या केली आहे. घटनास्थळाचा पंचनामा करण्यासाठी पोलीस आले असता त्यांना मयत्याच्या खिशात लिखित चिठ्ठी मिळून आली असल्याची चर्चा देखील घटनास्थळावर होती मात्र याबाबत पोलिस अधिकार्‍यांनी याबाबत दुजोरा दिला नाही. अशी घटना राज्यात प्रथमच घडली आहे.या घटनेने न्यायालयीन क्षेत्रासह बीड जिल्ह्यात खळबळ उडाली आहे.

वडवणी न्यायालयाचे सहाय्यक सरकारी अभियोगता अ‍ॅड. व्हि. एल. चंदेल हे रा. पालम तालुक्यातील असल्याचे सांगण्यात आले आहे. तर अ‍ॅड.चंदेल ही सकाळी 10 वा. न्यायालयात कामकाजासाठी स्वतःच्या कार्यालयात हजर झाले व त्या ठिकाणी असलेल्या खिडकीला सत्कार शालिनी गळफास घेऊन आत्महत्या केली आहे. ही वार्ता न्यायालयासह परिसरात वेगाने पसरली तेव्हा न्यायालयासमोर व न्यायालयात बघणार्‍यांची संख्या दिसून आली. घडलेल्या घटनेचा घटनास्थळाचा पंचनामा करण्यासाठी पोलीस हजर झाले तेव्हा पंचनामे दरम्यान मयत सरकारी वकिलाच्या खिशात मजकूर असलेली लिखित चिठ्ठी मिळून आली. त्याच बरोबर इतर तेथील वस्तू देखील पोलिसांनी ताब्यात घेतल्या आहेत. अशी माहिती सांगण्यात येत आहे. लिखित चिट्टी काय लिहिले आहे हा मजकूर समजलेला नाही व याबाबत पोलिसांनी दुजोरा अधिकृतपणे दिला नाही. घटनास्थळाचा पंचनामा केला असून घटनास्थळी अंबाजोगाईच्या अप्पर पोलीस अधीक्षक चेतना तिडके यांनी भेट घेत घडलेल्या घटनेचा क्रम समजून घेत पाहणी केली आहे. मयताचा मृतदेह हा वडवणी येथील प्राथमिक आरोग्य केंद्रात श्ववविच्छेदन करण्यासाठी पाठवला आहे.

नातेवाईकांना माहिती दिली

मयत सरकारी वकील हे एकटेच वडवणी शहरात राहत होते ते मूळचे परभणी जिल्ह्यातील पालम तालुक्यातील आहेत ही घटना घडल्यानंतर घटनास्थळी पोलीस दाखल झाल्यानंतर या घटनेची माहिती पोलिसांनी नातेवाईकांना दिली आहे अशी माहिती मिळाली.

चिठ्ठीच्या माध्यमातून समजेल

मयत सरकारी वकिलाने का आत्महत्या केली.याचे कारण समजू शकले नसले.तरी मयताच्या खिशात पंचनामा दरम्यान लिखित मजकूर शेट्टी मिळून आली आहे. या चिठ्ठीत काय लिहिले आहे व काय नाही याबाबतची माहिती समोर आल्यानंतरच आत्महत्या का केली याचे कारण स्पष्ट होईल.