बीड (रिपोर्टर)ः-बीड ते नाळवंडी हा रस्ता अत्यंत खराब आहे. रस्ता दुरूस्तीसाठी अनेक वेळा निवेदन देण्यात आले. याची अद्यापपर्यंत दखल घेण्यात आली नसल्याने आज आम आदमी पार्टीच्यावतीने जिल्हा परिषद कार्यालयासमोर ठिय्या आंदोलन करण्यात आले. जि.प. प्रशासन हाय हाय यासह आदि घोषणांनी परिसर दणाणून गेला होता.
बीड ते नाळवंडी या रस्त्यादरम्यान रोज अनेक वाहनांची ये-जा असते. रस्ता खराब असल्याने वाहन धारंकांना त्रास सहन करावा लागतो. रस्ता दुरूस्तीसाठी अनेक वेळा जिल्हा परिषद प्रशासनाला निवेदन देण्यात आले. याची अद्यापर्यंत दखल घेण्यात आली नाही. आज आम आदमी पार्टीच्यावतीने जिल्हा परिषद कार्यालयासमोर ठिय्या आंदोलन करण्यात आले. जिल्हा परिषद प्रशासन हाय हाय, बांधकाम विभाग हाय हाय यासह आदि घोषणांनी जि.प. कार्यालयाचा परिसर दणाणून गेला होता. या आंदोलनात अनेक कार्यकर्त्यांचा सहभाग होता. सदरील हे आंदोलन जिल्हाध्यक्ष येडे यांच्या नेतृत्वाखाली करण्यात आले.