जिल्हाधिकारी कार्यालयासमोर वंचित आघाडीचे आंदोलन
बीड (रिपोर्टर) घरकुलाच्या मागणीसाठी आप्पाराव पवार व त्यांचे कुटुंबीय जिल्हाधिकारी कार्यालयासमोर उपोषणाला बसले होते. यामध्ये काल आप्पाराव पवार यांचा उपोषणस्थळी मृत्यू झाला. यात प्रशासकीय अधिकार्यांवर अॅट्रॉसिटीसह मनुष्यवधाचा गुन्हा दाखल करण्यात यावा, या मागणीसाठी बहुजन वंचित आघाडीच्या वतीने आंदोलन करण्यात येत आहे.
घरकुलाच्या प्रश्नासाठी आप्पाराव पवार, कविता पवार व त्यांचे कुटुंब जिल्हाधिकारी कार्यालयासमोर उपोषणाला बसलेले होते. काल आप्पाराव पवार यांचा उपोषणस्थळी मृत्यू झाला. या घटनेला जिल्हा प्रशासन जबाबदार असून प्रशासनाच्या विरोधात अॅट्रॉसिटी अॅक्टसह मनुष्यवधाचा गुन्हा दाखल करण्यात यावा, अशी मागणी बहुजन वंचित आघाडीच्या वतीने करण्यात आली. आज जिल्हाधिकारी कार्यालयासमोर वंचीतने आंदोलन केले. या वेळी मराठवाडा अध्यक्ष अशोक हिंगे, बबन वडमारे, जिल्हाध्यक्ष उद्धव खाडे, ज्ञानेश्वर कवठेकर, किरण वाघमारे, अजय सरवदे, मिलिंद सरपते, पुष्पा तुरुकमारे, किरण वाघमारे, लखन वाघमारे सह आदींची उपस्थिती होती. दरम्यान आम आदमी पार्टीसह सामाजिक कार्यकर्त्यांच्या वतीनेही पवार प्रकरणी आंदोलन करण्यात आले. या वेळी डॉ. गणेश ढवळे, ‘आप’चे येडे यांच्यासह आदी उपस्थित होते.