Tuesday, December 7, 2021
No menu items!
Homeकोरोनाआतापर्यंत बीड जिल्ह्यात ५५ हजार लोकांनी कोरोनाला लोळवलं

आतापर्यंत बीड जिल्ह्यात ५५ हजार लोकांनी कोरोनाला लोळवलं

जिल्ह्याचा मृत्यूदर केवळ १.६७ टक्के, १ हजार १९६ जणांनी केली कोरोनावर मात
बीड (रिपोर्टर):- बीड जिल्ह्यात कोरोना रुग्णांची संख्या झपाट्याने वाढत असली तरी दुसरीकडे त्याच्यावर मात करणार्‍यांची संख्याही मोठी आहे. आतापर्यंत बीड जिल्ह्यात एकूण ५४ हजार ७९३ लोकांनी कोरोनावर मात केली असून ते ठणठणीत होऊन रुग्णालयातून घरी पोहचले आहे. काल एकाच दिवशी बीड जिल्ह्यातील १ हजार १९१ रुग्णांनी कोरोनावर मात केली.
बीड जिल्ह्यात कोरोनाने शिरकाव केला तेव्हापासून कालपर्यंत जिल्ह्यात एकूण ६२ हजार ४९९ पॉझिटिव्ह आढळून आले. त्यापैकी तब्बल ५४ हजार ७९३ जणांनी कोरोनावर मात केली. आतापर्यंत एकूण ४ लाख १६ हजार २९६ संशयितांच्या तपासण्यात करण्यात आल्या. यामध्ये ३ लाख ५३ हजार ७९७ संशयित निगेटिव्ह आढळून आले आहेत. सध्या जिल्ह्याचा पॉझिटिव्ह रुग्णांचा रेट १५.१ टक्का आहे तर मृत्यूदर १.६७ टक्के आहे. रिकव्हरी रेट तब्बल ८७.६७ टक्के आहे. कोरोना रुग्णांची संख्या वाढत असली तरी मृत्यूचे प्रमाण घटले असून त्याच्यावर मात करणार्‍यांचे प्रमाण मोठ्या संख्येने आहे. त्यामुळे नागरिकांनी कोरोना झाला म्हणून घाबरून न जाता त्याच्यावर तात्काळ उपचार घ्यावेत, त्यामुळे तो शंभर टक्के बरा होतो.

Most Popular

error: Content is protected !!