बीड, (रिपोर्टर):- बीड जिल्हा विकासामध्ये मागास आहे. बीडच मागासपण दुर करण्यासाठी शहरालगत भव्य एमआयडीसी उभारण्यात यावी यासह इतर मागण्यासाठी बीड जिल्हा विकास कृषी समितीने युवा आक्रोश मोर्चा काढला होता. शहरातील अनाधिकृत बॅनर लावणार्या विरोधात कारवाई करण्यात यावी या मागणीसाठी ‘आम्हाला पहा आणि फुले वाहा’ असे अभिनव बॅनर लावुन सामाजिक कार्यकर्त्यांनी आंदोलन केले. तिसरे आंदोलन बालेपीरच्या विकास कामासाठी सुरू आहे.
बीड जिल्ह्याचा विकास गेल्या अनेक वर्षांपासून खुंटलेला आहे. शहराजवळ भव्य एमआयडीसी उभारण्यात यावी त्याचबरोबर सिंचनाचे क्षेत्र वाढविण्यात यावे यासह ईतर मागण्यासाठी आज जिल्हाधिकारी कार्यालयावर युवा आक्रोश मोर्चा काढण्यात आला हा मोर्चा सामाजिक कार्यकर्ते गिराम यांच्या नेतृत्वाखाली काढण्यात आला होता, यावेळी अनेकांची उपस्थिती होती. दुसरे आंदोलन सामाजिक कार्यकर्त्यांनी केले. शहरात अनाधिकृत बॅनर लावले जातात यावर कुठलीही ठोस कारवाई केली जात नाही,
बॅनर लावणार्या विरोधात कारवाई करावी या मागणीसाठी डॉ. गणेश ढवळेंसह आदींनी आंदोलन केले. तिसरे आंदोलन बालेपीरच्या विकासा संदर्भात करण्यात आले. बालेपीर भागामध्ये नागरी सुविधा उपलब्ध करण्यात याव्यात या मागणीसाठी काँग्रेस पक्षाचे मोहम्मद खमरूद्दीन उपोषणाला बसले आहे.