बिअरबारमध्ये चोरी
नगदी साडेचार लाख रुपये पळविले
तीन दिवस पोलिसांनी फिर्याद घेतली नाही
नेकनूर (रिपोर्टर): नेकनूर हद्दीमध्ये गेल्या काही दिवसांपासून चोरीच्या घटना वाढल्या. दोन दिवसाला कुठे ना कुठे चोरी होऊ लागली. जैताळवाडी येथे बिअरबारमध्ये चोरीची घटना घडली असून यात चोरट्याने बारमधील नगदी 4 लाख 60 हजार रुपये चोरून नेले. फिर्याद देण्यासाठी संबंधित बिअरमालक पोलीस ठाण्यात गेले असता तीन दिवस पोलिसांनी फिर्याद दाखल करून घेतली नाही. रात्री उशीरा पोलिसांनी फिर्याद दाखल करून घेतली.
शिवलिंग पांडुरंग मोराळे (वय 40 वर्षे, रा. निवडूंगवाडी) यांचे जैताळवाडी या ठिकाणी सरकार (सपना) बिअरबार आहे. या ठिकाणी तीन दिवसांपूर्वी चोरीची घटना घडली. चोरट्याने बारमधील नगदी 4 लाख 60 हजार रुपये चोरून नेले. मोराळे यांनी खुर्चीवर पैशाची बॅग ठेवली होती. चोरट्यांनी त्यावर डल्ला मारला. पैशांसह अॅप्पल कंपनीचा (किंमत 30 हजार) चोरून नेला. मोराळे नेकनूर पोलीस ठार्यात फिर्याद देण्यासाठी गेले असता पोलिसांनी त्यांची फिर्याद घेतली नाही. रात्री उशीरा या प्रकरणी गुन्हा दाखल करण्यात आला. वाढत्या चोरीच्या घटनेमुळे व्यापार्यांसह नागरीकांत भीतीचे वातावरण निर्माण झाले आहे.
