नेकनूर हद्दीतील बिअरबार फोडणारा आरोपी मुद्देमालासह जेरबंद
बीड (रिपोर्टर)- नेकनूर पोलीस ठाण्याच्या हद्दीतील जैताळवाडी येथे 17 ऑगस्ट रोजी बिअरबार फोडून साडे चार लाखांचा मुद्देमाल लंपास केला होता. या प्रकरणी 18 ऑगस्ट रोजी नेकनूर पोलिसात गुन्हा दाखल झाल्यानंतर नेकनूर पोलिस आणि स्थानिक गुन्हे शाखेने तपास करत एका अल्पवयीन बालकासह दोघांना मुद्देमालासह जेरबंद केले. ही कावाई काल करण्यात आली.
जैताळवाडी येथील न्यू सरकार सपना नावाचे बिअरबार अज्ञात चोरट्याने 17 ऑगस्टच्या रात्री फोडले होते. या वेळी साडेचार लाखाचा मुद्देमाल चोरून नेला होता. या प्रकरणी शिवलिंग पांडुरंग मोराळे यांनी दिलेल्या फिर्यादीवरून नेकनूर पोलिसात गु.र.नं. 240/2023 कलम 457, 380 भा.दं.वि.नुसार गुन्हा दाखल झाला होता.
या प्रकरणाचा तपास नेकनूर पोलिसांसह स्थानिक गुन्हे शाखेने करत समाधान महादेव घुगे (रा. होळ) याच्यासह एका अल्पवयीन बालकाला पोलिसांनी ताब्यात घेतले. त्यांच्याकडून 2 लाख 75 हजाराचा मुद्देमालही जप्त केला. ही कारवाई पोलीस अधिक्षक नंदकुमार ठाकूर, अप्पर पोलीस अधिक्षक सचीन पांडकर यांच्या मार्गदर्शनाखाली स्थानीक गुन्हे शाखेचे पो.नि. संतोष साबळे, पो.उप.नि. सुशांत सुतळे, रामदास तांदळे, मारुती कांबळे, बाळकृष्ण जायभाये, राजू पठाण, अर्जुन यादव, अतुल हराळे यांच्यासह नेकनूर पोलीस ठाण्याचे ठाणेप्रमुख विलास हजारे यांनी केली.