माजलगाव (रिपोर्टर): सराटे अंतरवली घटनेच्या निषेधार्थ माजलगाव कडकडीत बंद पाळण्यात आले आहे. यावेळी शहरातून भव्य रॅली काढण्यात आली होती. एक दोन ठिकाणी किरकोळ दगडफेकीची घटना घडली आहे. मराठा समाजाच्या आरक्षणासाठी जालना जिल्ह्यातील सराटे अंतरवली येथे आंदोलन सुरू असतांना आंदोलनकर्त्यांवर पोलीसांनी लाठीहल्ला केला. या घटनेच्या निषेधार्थ जिल्हा बंदची हाक देण्यात आली होती. माजलगाव शहर कडकडीत बंद होते. शहरातून भव्य रॅली काढून घटनेचा निषेध नोंदविण्यात आला. काही ठिकाणी किरकोळ स्वरूपात दगडफेकीची घटना घडली आहे.