9 ग्रा.पं. शिवसेनेकडे; भाजपाच्या ताब्यात फक्त तीन ग्रा.पं., 5 अपक्ष बीआरएसने खातं उघडलं
गेवराई (रिपोर्टर): गेवराई तालुक्यामध्ये 32 ग्रामपंचायतींसाठी मतदान झाल्यानंतर आज सकाळपासून मतमोजणीला सुरुवात झाली. यामध्ये 12 ग्रामपंचायतींवर माजी आ. अमरसिंह पंडित यांचे वर्चस्व राहिले तर नऊ ग्रामपंचायतींवर शिवसेनेचे तर भाजपाच्या ताब्यात फक्त तीन ग्रामपंचायती आल्या. पाच जागेवर अपक्ष उमेदवार विजयी झाले. तालुक्यात बीआरएसनेही आपले खाते उघडले
गेवराई तालुक्यातील ग्रा.पं.साठी मतदान झाल्यानंतर आज सकाळपासून तहसील कार्यालयात मतमोजणी झाली. यामध्ये उक्कडपिंप्री राष्ट्रवादीच्या ताब्यात आली, चकलांबा शिवप्रसाद खेडकर (सरपंच अपक्ष) उमापूर शिवसेना किरण आहेर, गैबीनगर तांडा राष्ट्रवादी, संगम जळगाव यशवंत नागरे भाजपा, बोरगाव थडी सकाराम खडके राष्ट्रवादी, गोपटपिंपळगाव उमेश आर्दड राष्ट्रवादी, सेलू राष्ट्रवादी, भेंडटाकळी श्रीराम उबाळे अपक्ष, पाडळसिंगी रितेश महादेव साबळे भाजपा, तांदळा सोनाजी राजेंद्र गवते अपक्ष, बेलगाव इंदूबाई बेदरे अपक्ष, हिंगणगाव राष्ट्रवादी, राहिरी गोपीनाथ फलके शिवसेना, ढालेगाव अरुण तौर राष्ट्रवादी, कांबी मंझरा शाम मुळे राष्ट्रवादी, भेंडखुर्द अश्विनी खेत्रे शिवसेना, पिंपळगाव कानडा सुमित्रा धापसे शिवसेना, शेकटा नंदाबाई शेंबडे अपक्ष, रसुलाबाद राष्ट्रवादी, आगर नांदूर भाजप-शिवसेना, कटचिंचोली स्वाती रविंद्र निवारे अपक्ष, काठोडा शैलेश कोरे भाजपा, गोळेगाव सिद्धेश्वर काळे राष्ट्रवादी, सिंधफणा चिंचोली अपक्ष, तळवट बोरगाव अलका गाडे शिवसेना, पांढरी सुंदर तिवारी शिवसेना, रामपुरी शिवसेना, रोहितळ अश्विनी बाबर शिवसेना, वाहेगाव आमला राष्ट्रवादी, औरंगपूर कुकडा राष्ट्रवादी, रेवकी शशीकला भगवान मस्के बीआरएस या ग्रामपंचायतींचे निकाल जाहीर झाले.