अंबाजोगाई (रिपोर्टर): नगरपालिका निवडणुकीसाठी उमेदवा अर्ज दाखल करण्याची आजची शेवटची तारीख असून आज नगराध्यक्षपदासाठी माजी नगराध्यक्ष पापा मोदी यांनी शक्तीप्रदर्शन करत आपला उमेदवारी अर्ज दाखल केला आहे
अंबाजोगाई शहरामध्ये नगराध्यक्षपदाच्या निवडणुकीमध्ये अटीतटीचा सामना होणार आहे. लोकविकास महाआघाडीच्या वतीने माजी नगराध्यक्ष पापा मोदी यांना उमेदवारी देण्यात आली आहे. आज मोदी यांनी शक्तीप्रदर्शन करत आपला उमेदवारी अर्ज दाखल केला. या वेळी पक्षाचे पदाधिकारी, कार्यकर्ते मोठ्या संख्येने उपस्थित होते. वाजत-गाजत शहरामधून रॅली काढून मोदी यांनी आपला अर्ज दाखल केला आहे.
साध्या पद्धतीने नंदकिशोर मुंदडा यांनी दाखल केली उमेदवारी
भाजपाकडून नंदकिशोर मुंदडा यांना नगराध्यक्षपदासाठी उमेदवारी देण्यात आली आहे. आज सकाळी नंदकिशोर मुंदडा यांनी अगदी साध्या पद्धतीने आपला उमेदवारी अर्ज दाखल केला आहे. नंदकिशोर मुंदडा आणि पापा मोदी यांच्यामध्ये सरळ लढत होणार आहे.
काँग्रेसचे उमेदवार खतिब यांचा अर्ज दाखल
अंबाजोगाई शहरारमध्ये काँग्रेस पक्ष स्वतंत्र निवडणूक लढवत आहे. काँग्रेस पक्षाने नगराध्यक्षपदाच्या निवडणुकीसाठी आसिफोद्दी बाबा खतिब यांना उमेदवारी दिली असून त्यांनी आज आपला उमेदवारी अर्ज दाखल केला आहे.
