माजलगावात मागील तीन ते चार दिवसापासून छोट्या मोठ्या चोर्यांचे सत्र सुरूच
हार्डवेअर, मशिनरी, मेडिकल दुकान चोरीनंतर आज भर दिवसा सराफा व्यापार्यास लुटले
माजलगाव (रिपोर्टर) शहरातील जुना मोंढा भागातील मुंदडा मशिनरी बजरंग हार्डवेअरसह मेडिकल व इतर एक मशनरी दुकान शटर तोडून चोरीची घटना ताजी असतानाच आज भर दिवसा सकाळी दहा वाजता सराफ व्यापारी उत्तम दगडोबा गडम यांना चोरांनी लुटल्याची घटना घडली आहे. मागील चार ते पाच दिवसापासून छोट्या मोठ्या चोर्याचे सत्र माजलगाव शहरात सुरूच असून याकडे स्थानिक पोलीस प्रशासन लक्ष देत नसल्याने नव्याने रुजू झालेली डी वाय एस पी यांनी माजलगाव शहराकडे लक्ष द्यावे अशी मागणी होत आहे.
येथील प्रसिध्द व्यापारी उत्तम दगडोबा गडम यांना भुलथाप मारून शहराच्या मध्यवस्तीतून गाडीवर बसवत नदीकिनारी घेऊन येत मारहाण करीत त्यांच्या अंगावरील सोन्याचे दागिने लुटल्याची घटना माजलगाव शहरात सकाळी 10 च्या सुमारास घडली. या घटनेने प्रचंड खळबळ उडाली आहे. उत्तम दगडोबा गडम हे माजलगावातील कपडा व्यापारी आहेत. ते आज नेहमीप्रमाणे माजलगावच्या हनुमान चौकातील मारोती मंदिरात दर्शनासाठी गेले होते. दर्शन घेऊन बाहेर येताच त्यांना दोघा दुचाकीस्वारांनी जवळ बोलावले. आम्हाला मंगलनाथ मंदिराला देणगी द्यायची आहे, ती कुणाकडे द्यावी लागेल, आम्हाला मदत करा, असे म्हणत त्यांच्याकडे विचारपूस केली. शिवाय त्यांना गाडीवर बसण्याची विनंती केली. गडम हेही त्यांच्या बहकाव्यात आले. त्यांनी त्यांच्यासोबत गाडीवर बसून मंगलनाथ मंदिराचा रस्ता पकडला. मंदिराच्या जवळ आल्यानंतर या लुटारूंनी दुचाकी मंगलनाथ मंदिराकडे न नेता ती कदम यांच्या मंदिराकडे नेली गा ’ठिकाणी आधीपासूनच दोघेजण दोघेजण बसलेले होते त्यांनी घडत यांना खाली उतरवून मारहाण करीत त्यांच्या अंगावरील 90 ग्राम सोन्याचे दागिने काढून घेतले. घटनेनंतर गडम यांनी माजलगाव शहर ठाण्यात धाव घेऊन तक्रार दाखल करण्याची प्रक्रिया सुरू आहे.
