आष्टी (रिपोर्टर):-आष्टी शहरातील बस स्टॅण्ड जवळील आंबेडकर चौकात भीषण अपघाताची एक थरारक घटना समोर आली आहे. या घटनेत एका दुचाकीस्वाराचा भयावह मृत्यू झाला आहे.जामखेड कडे जाणा-या सिमेंट मालकवाहतुक भरधाव गाडीने धडक दिल्याने हा थरारक अपघात घडला आहे. हा अपघात इतका भयंकर होता,की दुचाकीस्वाराच्या शरीराच्या चिंधड्याच उडाल्या आहेत. हा भिषण अपघात आज दि. 10 रोजी सकाळी 10 च्या सुमारास झाला.पोलिसांनी ट्रक चालकाला ताब्यात घेतले आहे.रामकिसन परसराम काकडे वय 60 वर्ष रा. शिदेवाडी अपघातात मृत झालेल्या व्यक्तीचे नाव आहे.याबाबत आधिक माहिती अशी की, सिमेंट वाहतुक करणारा ट्रक ( एमएच 16 सीडी 2466) हा जामखेड कडे चालला होता. भरधाव ट्रक आष्टी शहरातील आंबेडकर चौकात आल्यानंतर समोरून मोटारसायकल ( एमएच 23 एएम 9719 ) वरून आलेल्या रामकिसन काकडे, रा. शिदेवाडी ( वय -60 वर्षे ) यांना या ट्रक ने चिरडले. यावेळी काकडे यांच्या डोक्यावरून ट्रकचे पाठीमागचे चाक गेल्याने त्यांचा जागीच मृत्यू झाला ट्रक चालकाला पोलीसांनी ताब्यात घेतले असून मृतदेह ग्रामीण रुग्णालयात नेण्यासाठी पोलिस, अशोक पोकळे, सरपंच पंडीत पोकळे, अमोल दरेकर सह इतरांनी सहकार्य केले.अपघाताची माहिती कळताच घटनास्थळी पोलिस निरीक्षक हेमंत कदम,तांबे मेजर ,पो.कॉ.विलास गुंडाळे,पोलीस शिपाई शिवप्रकाश तवले, राऊत आदींनी घटनास्थळी भेट देऊन मृतदेह रुग्णालयात हलवला आहे.
कड्या जवळ अपघात;
ट्रक चालक जागीच ठार
कडा: नगर-पाथर्डी महामार्गावरील करंजी घाटातील माणिक पीर बाबांच्या एका अवघड वळणावर खत घेऊन येणारा ट्रक (क्र. एम.एच. 09 बीसी 7772) हा खोल दरीत कोसळल्याने झालेल्या अपघातात ट्रक चालक जागीच ठार झाला. सदरचा अपघात आज सकाळी सहा वाजण्याच्या सुमारास घडला. या अपघातात ट्रकचा क्लिनर सुदैवाने बचावला असल्याचे सांगण्यात येते.
