गेवराई (रिपोर्टर) गेल्या दोन दिवसांपुर्वी अपहरण करून तिच्यावर बीड याठिकाणी एका कॉफीशॉफ मध्ये बलात्कार केला असल्याची फिर्याद गेवराई पोलिसांंत दोन दिवसांपुर्वी दाखल करण्यात आली होती. या प्रकरणी दोन आरोपींना पोलिसांनी बेड्या ठोकल्या होत्या तसेच तपासांत यामध्ये मोठा खुलासा झाला आहे. यात पिडीत अल्पवयीन मुलगी ही सहा ते सात महिन्याची गरोदर असल्याची धक्कादायक बाब समोर आली असून या प्रकरणात आणखी आरोपी वाढण्याची शक्यता आहे.
या बाबत सविस्तर माहिती अशी की, आपल्या चुलती सोबत गेवराई याठिकाणी कपडे खरेदी करण्यासाठी आलेल्या एका ( 16 वर्षिय ) मुलगी हीचे दोन मुलांनी अपहरण करूण तिच्यावर बीड याठिकाणी एका कॉफीशॉप मध्ये तिच्यावर अत्याचार केला असल्याची माहिती पिडीतेने गेवराई पोलिसांत दिली होती. तसेच या प्रकरणात दोन्ही आरोपींना बेड्या ठोकल्या असून हे आरोपी सध्या पोलिस कोठडीत आहेत. अंबड तालक्यातून गेवराई तालुक्यात शेतात सालाने काम करण्यासाठी हे कुटूंब आले होते. पिडीत ही अल्पवयीन आसून ती सहा ते सात महिन्याची गरोदर असल्याची बाब समोर आली असून खळबळ उडाली आहे. या प्रकरणात आणखी आरोपी वाढणार असल्याचे शक्यता नाकारता येत नाही. या प्रकरणी कसुन तपास करून योग्य ती कारवाई करू असे डीवायएसपी स्वप्निल राठोड यांनी सांगितले आहे.