Thursday, January 20, 2022
No menu items!
Homeक्राईमतळेगावात भरदिवसा घर फोडले सोन्या-चांदीसह नगदी दोन लाखांचा ऐवज लंपास

तळेगावात भरदिवसा घर फोडले सोन्या-चांदीसह नगदी दोन लाखांचा ऐवज लंपास


बीड (रिपोर्टर) घराला कुलूप लावून कुटुंब कामानिमित्त घराबाहेर गेले असता भरदिवसा दुपारी साडेबारा ते सव्वा तीनच्या दरम्यान अज्ञात चोरट्याने कुलूप तोडून घरात प्रवेश करत गरातील कपाटात ठेवलेले सोन्या-चांदीचे दागिने व नगदी असा एकूण 1 लाख 93 हजार 300 रुपयांचा मुद्देमाल लंपास केला. ही घटना बीड तालुक्यातील तळेगाव येथे काल दुपारी घडली.

तळेगाव येथील दत्तात्रय जगन्नाथ राऊत (वय 46) हे काही कामानिमित्त आपल्या परिवारासह काल दि. 24 डिसेंबर रोजी बाहेरगावी गेले होते. त्या वेळी दुपारी साडेबारा ते सव्वा तीनच्या दरम्यान अज्ञात चोरट्यांनी घराचे कुलूप तोडून घरात प्रवेश करत कपाटात ठेवलेले सोन्या-चांदीचे दागिने व तूर विकून नगदी आणलेली रोकड असा एकूण 1 लाख 93 हजार रुपयांचा मुद्देमाल लंपास केला. या प्रकरणी ग्रामीण पोलिसात दत्तात्रय राऊत यांनी तक्रार दिली असून अज्ञात चोरट्याविरोधात गुन्हा दाखल करण्यात आला आहे. या प्रकरणाचा तपास ठाणेप्रमुख यांच्यासह एपीआय योगेश उबाळे यांच्या मार्गदर्शनाखाली पीएसआय आवारे हे करत आहेत.

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

Most Popular

error: Content is protected !!