बीडच्या कृषी उत्पन्न बाजार समिती संचालकांनी दिले शेती प्रश्नी निवेदन
बीड (रिपोर्टर): मुख्यमंत्री एकनाथ शिंदे हे नागपूर येथील शासकीय निवासस्थानातून मंगळवारी (दि.12) सकाळी विधिमंडळाकडे निघाले होते. यावेळी निवासस्थानाबाहेर रस्त्यावर बीडचे शिवसेना जिल्हाप्रमुख सचिन मुळूक हे शिष्टमंडळासोबत दिसले अन् मुख्यमंत्र्यांनी भरधाव ताफा थांबवला. यावेळी मुळूक यांच्यासमवेत असलेले बीड येथील कृषी उत्पन्न बाजार समितीच्या संचालकांचे शेतीविषयक निवेदन स्वीकारले. शेतकर्यांचे प्रश्न सोडविण्याची ग्वाही मुख्यमंत्र्यांनी दिली.
शेतकर्यांचे प्रश्न मांडण्यासाठी बीड येथील कृषी उत्पन्न बाजार समितीच्या संचालकांसह सचिन मुळूक हे मुख्यमंत्र्यांच्या निवास्थानी जात असतानाच मुख्यमंत्री एकनाथ शिंदे यांचा ताफा विधिमंडळाकडे निघाला होता. शिष्टमंडळाची भेट होणार नाही, असे वाटत होते. परंतु मुख्यमंत्र्यांनी बीडचे शिवसेना जिल्हाप्रमुख सचिन मुळूक यांच्यासह सहकार्यांना पाहताच गाडी थांबवली. यावेळी रस्त्यावरच शेतकर्यांच्या विविध प्रश्नांचे निवेदन मुख्यमंत्र्यांना देण्यात आले. शेतकरी व सर्व सर्वसामान्यांचे प्रश्न समजून घेण्यासाठी रस्त्यावर ताफा थांबवणारे मुख्यमंत्री महाराष्ट्राला लाभले आहेत, असे म्हणत उ त्यांचे तोंडभरून कौतुक केले. याप्रसंगी पीकविमा, सिंचन प्रश्न, अनुदान व बीड बाजार समितीतील प्रश्नांचे यावेळी निवेदन देण्यात आले. यावेळी उपजिल्हाप्रमुख नितीन मुंदडा, उपसभापती शामसुंदर पडुळे, संचालक प्रभाकर जोगदंड, विश्वास आखाडे, उद्धव पैठणे, पंडित माने, धनंजय गुंदेकर, दीपक काळे यांच्यासह शिवसेना पदाधिकारी, शिवसैनिक उपस्थित होते.
शिवसेनेत जिल्हाप्रमुखांचे महत्व अबाधित
शिवसेना प्रमुख बाळासाहेब ठाकरे यांच्या काळापासून शिवसेनेत आमदार, खासदार या लोकप्रतिनिधीइतकेच महत्त्व जिल्हाप्रमुखांना दिले जात होते. जिल्हाप्रमुख हे रस्त्यावर दिसताच भरधाव ताफा थांबवून मुख्यमंत्री एकनाथ शिंदे यांनी शिवसेनेतील जिल्हाप्रमुखांचे महत्त्व अबाधित असल्याचे कृतीतून दाखवून दिले.