परळी (रिपोर्टर): 2024 हे नवीन वर्ष राज्यातील शेतकर्यांच्या, कष्टकर्यांच्या आयुष्यात समृद्धी आणणारे ठरावे, कृषकांची सेवा करण्याचे आपल्याला बळ मिळावे, अशी प्रार्थना करत राज्याचे कृषीमंत्री तथा बीड जिल्ह्याचे पालकमंत्री धनंजय मुंडे हे आज भल्या पहाटे वैद्यनाथाच्या चरणी लीन झाले. त्याठिकाणी रुद्राभिषेक करत राज्यातील शेतकर्यांच्या समृद्धी बाबत त्यांनी प्रार्थना केली.
राज्याचे कृषीमंत्री तथा बीड जिल्ह्याचे पालकमंत्री धनंजय मुंडे यांनी आज नूतन वर्षाच्या शुभमुहूर्तावर भल्यापहाटे प्रभू वैद्यनाथाच्या मंदिरात जाऊन प्रभू वैद्यनाथाच्या चरणी लीन होत नव्या वर्षाची सुरुवात रुद्राभिषेक करून दर्शनाने केली. या वेळी विधीवत पुजा करत धनंजय मुंडेंनी काही काळ प्रभू वैद्यनाथाची साधना केली. या वेळी प्रभू वैद्यनाथांकडे ना. मुंडेंनी 2024 हे नवीन वर्ष राज्यातील शेतकर्यांच्या कष्टकर्यांच्या आयुष्यात समृद्धी आणणारे ठरावे, असे म्हणत या कृषकांची सेवा करण्याचे आपल्याला बळ मिळावे, अशी प्रार्थना केली. या वेळी त्यांच्यासोबत पुणे येथील उद्योजक राज धनवट हे उपस्थित होते.