बीड (रिपोर्टर): बीड जिल्ह्यामध्ये चोरीच्या घटनेत वाढ होताना दिसून येत आहे. गेवराई तालुक्यातील जयराम तांडा या ठिकाणी घरफोडी झाली असून या ठिकाणाहून सोन्या-चांदीच्या दागिन्यांसह नगदी रक्कम असा एकूण 2 लाख80 हजार रुपयांचा ऐवज चोरून नेला. दुसरी चोरीची घटना शिरूर तालुक्यातील तिंतरवणी येथे घडली आहे. या ठिकाणाहूनही चोरट्यांनी ऐवज चोरून नेला. या दोन्ही चोरी प्रकरणी पोलीस ठाण्यात गुन्हा दाखल करण्यात आला आहे.
भीमराव ज्ञानोबा खेडकर यांच्या घरामध्ये अज्ञात चोरट्यांनी चोरी चोरट्यांनी कपाटातील दागिने व नगदी रक्कम असा एकूण 98 हजार रुपयांचा ऐवज चोरून नेला. या प्रकरणी खेडकर यांनी चकलांबा पोलीस ठाण्यात तक्रार दाखल केली. त्यानुसार अज्ञाताविरोधात गुन्हा दाखल करण्यात आला आहे. दुसरी चोरीची घटना गेवराई तालुक्यातील पाचेगाव येथील जयराम तांडा येथे घडली. संतराम जनार्दन राठोड यांच्या घरामध्ये अज्ञात चोरट्याने प्रवेश करत त्यांच्या घरातील नगदी 1 लाख 55 हजार रुपये व सोन्या-चांदीचे दागिने असा एकूण 2 लाख 80 हजार रुपयांचा ऐवज चोरून नेला आहे. या प्रकरणी गेवराई पोलीस ठाण्यामध्ये गुन्हा दाखल करण्यात आला आहे.