गुढीपाडव्याच्या दिवशी केज तालुक्यातून 500 गाड्यांचा ताफा धनंजय मुंडेंच्या भेटीला
विविध गावचे सरपंच, उपसरपंच, पदाधिकारी यांसह असंख्य कार्यकर्त्यांचा धनंजय मुंडेंच्या उपस्थितीत राष्ट्रवादी काँग्रेस पक्षात प्रवेश
केज तालुकाध्यक्ष विष्णू चाटे व सहकार्यांनी दाखवली ताकत; पक्षप्रवेशाला सभेचे स्वरूप!
परळी वैद्यनाथ – या लोकसभा निवडणुकीत पंकजाताईचा विजय निश्चित आहे, मात्र ताईला सर्वाधिक मताधिक्य हे केज तालुक्यातून मिळाले पाहिजे; त्यासाठी सर्व कार्यकर्त्यांनी एकजुटीने काम करावे. केज तालुक्यात काम करण्यासाठी आता कुणाचाही अडसर उरलेला नाही, त्यामुळे पंकजाताईच्या विजयाची गुढी उभारताना सर्वाधिक मताधिक्यरुपी गोडवा हा केज तालुक्यातूनच मिळेल, असा विश्वास कृषी मंत्री धनंजय मुंडे यांनी परळी येथे बोलताना व्यक्त केला.
गुढीपाडव्याच्या दिवसाचे निमित्त साधून केज तालुक्यातून राष्ट्रवादी काँग्रेस पक्षाचे तालुकाध्यक्ष विष्णू चाटे व त्यांच्या सहकार्यांनी तब्बल 500 गाड्यांचा ताफा घेऊन परळी वैजनाथ येथे धनंजय मुंडे यांची भेट घेतली व गुढीपाडव्याच्या शुभेच्छा देत बीड लोकसभेच्या महायुतीच्या उमेदवार पंकजाताई मुंडे यांना आपला पाठिंबा दर्शवला.
यावेळी चंदन सावरगावचे सरपंच जालिंदर दळवी, बनसारोळा गावचे उपसरपंच चंद्रसेन धायगुडे, चंदन सावरगावचे उपसरपंच शंकर बापू तपसे, कापरेवाडी येथील युवक नेते विकास कापरे, आधुनिक लहुजी सेना केज तालुका अध्यक्ष बाबुराव जोगदंड, सारूकवाडीचे धनराज वनवे, रवींद्र सारूक, युवराज वनवे, अमर सारूक, कापरेवाडीचे सुनील कापरे यांसह विविध गावचे पदाधिकारी व असंख्य कार्यकर्त्यांनी धनंजय मुंडे यांच्या उपस्थितीत राष्ट्रवादी काँग्रेस पक्षात प्रवेश केला.
धनंजय मुंडे यांनी यावेळी सर्वांचे स्वागत करून सर्वांनाच गुढीपाडव्याच्या शुभेच्छा दिल्या. राष्ट्रवादी काँग्रेस पक्षाचे केज तालुका अध्यक्ष विष्णू चाटे व त्यांच्या सहकार्यांनी भर पावसात आपली ताकद दाखवून देत केज तालुक्यातून 500 पेक्षा अधिक गाड्यांचा ताफा परळीत आणल्याने सबंध जिल्हाभर याची चर्चा होती. गुढीपाडव्याच्या शुभेच्छा देणे आणि पक्षप्रवेश या कार्यक्रमालाच उपस्थितांच्या गर्दीने सभेचे स्वरूप प्राप्त झाले होते!
भर पावसात आलेल्या या रॅलीचे स्वागत करताना धनंजय मुंडे यांनी केज तालुक्यातील सर्वच पदाधिकार्यांचे कौतुक करून अभिनंदन केले. कार्यक्रमाचे प्रास्ताविक तालुकाध्यक्ष विष्णू चाटे यांनी केले. यावेळी सारंग आंधळे, नगरसेवक सुग्रीव कराड, सांगवीचे सरपंच संजय केदार, मुंडेवाडीचे सरपंच मोतीराम पंडित, सारूळचे सरपंच बालाजी ढाकणे, होळचे सरपंच योगेश शिंदे, मुलेगावचे सरपंच बाळासाहेब लाड, रमाकांत धस, शबकर तपसे, टाकळी चे सरपंच श्रीकांत घुले, एकुरक्याचे सरपंच प्रशांत केदार, सारूकवाडीचे उपसरपंच धीरज वणवे, नागझरीचे सरपंच चंदू चौरे, बनसारोळाचे सरपंच अजित गोरे, उपसरपंच चंद्रसेन धायगुडे, अशोक साखरे संतोष माळी, ऋषिकेश कदम, भारत माळी, बाळासाहेब गित्ते, कुंबेफळचे उपसरपंच आकाश थोरात, विठ्ठल शिंदे, लहुजी सेनेचे बबन जोगदंड, ज्योतिराम मुळे, डोणगावचे सरपंच बळीराम भगत, रामभाऊ घुले, बाळासाहेब घुगे, वचिष्ट घुगे, राम बिक्कड यांसह असंख्य कार्यकर्ते व पदाधिकारी आदी उपस्थित होते.