परळी(रिपोर्टर): परळी शहर पोलीस ठाण्याच्या हद्दीत दिवसें-दिवस चोरीच्या घटना वाढत आहेत विद्यानगर येथे एका निवृत्त गटशिक्षणा-धिकार्याच्या घरातून नऊ लाख ९७ हजार रुपयाची नगदी रोकड अज्ञात चोरट्याने लंपास केल्याची घटना दिनांक २३ जुलै २०२२ रोजी रात्रीच्या दरम्यान घडली आहे. याप्रकरणी अज्ञात चोरट्याविरुद्ध परळी शहर पोलीस ठाण्यात गुन्हा दाखल करण्यात आला आहे.
याबाबत शहर पोलीस सूत्राकडून प्राप्त माहिती असे की परळी शहर पोलीस ठाण्याच्या हद्दीत निवृत्त गटशिक्षणाधिकारी लक्ष्मण किशनराव फुलगुंडे यांच्या घरामागील पत्रे बांधकाम असलेल्या स्टोररूम मधील लोखंडी कपाटात ठेवलेले नऊ लाख ९७ हजार रुपये कपाट फोडून अज्ञात चोरट्याने दि. २३ रोजी रात्रीच्या सुमारास लंपास केले आहेत. याप्रकरणी परळी शहर पोलीस ठाण्यात लक्ष्मण किसनराव हुलगुंडे यांच्या फिर्यादीवरून गुरन १६८/२०२२ कलम ४५७,३८० माधवी नुसार गुन्हा दाखल करण्यात आला आहे. सदरील घटनास्थळास डीवायएसपी सुनील जायभाय, सपोनी सपकाळ, सपोनि गोसावी यांनी भेट देऊन पाहणी केली. या प्रकरणाचा पुढील तपास पण शहर पोलीस ठाण्याचे पोलीस निरीक्षक उमाशंकर कस्तुरे यांच्या मार्गदर्शनाखाली स.पो.नी सपकाळ हे करीत आहेत.