वडवणी (रिपोर्टर):- वडवणी पोलीस स्टेशन अंतर्गत अवैध दारू विषयी बोललं जात असतानाच एपीआय आनंद कागुंणे यांनी यंत्रणा कामाला लावली असून परडे माटेगाव व खळवट लिमगावातील दारु अड्ड्यावर धाडसत्र टाकण्यात आले आहे. यामध्ये हजारो रुपयांचा मुद्देमाल जप्त करण्यात आला असल्याची माहिती पोलिसांकडून मिळाली आहे.
वडवणी पोलीस स्टेशन अंतर्गत अवैध दारु विक्री केला जात असल्याच बोलल जात होतं.यात मागील चार पाच दिवसांपुर्वी चिखलबीड ग्रामस्थांनी दारु बंदीसाठी निवेदन दिले होते.यावरुन तालुक्यात मोठ्या प्रमाणात दारु विक्री होत असल्याच बोलल जात होत यात आज सकाळी दहा वाजण्याच्या सुमारास एपीआय आनंद कांगुणे यांनी एक पाऊल पुढे टाकत स्थानिक पोलीस कर्मचाऱ्यांना सोबत घेत परडी-माटेगांव आणि खळवट लिंमगांवात अवैध दारु विक्री करणाऱ्यावर धाडसत्र टाकण्यात आले असून हातभट्टी आणि देशी विदेशी दारुचा माल जवळपास 30 हजार रुपायाचा हस्तगत करण्यात आला असून आरोपीना देखील ताब्यात घेण्यात आले आहे.तर या कार्यवाहीमुळे अवैध दारु विक्री करणाऱ्याचे धाबे दणाणले असून सदरील कार्यवाही वडवणी पोलीस स्टेशनचे प्रमुख आनंद कागुंणे यांच्यासह पीएसआय पवार कर्मचारी ढाकणे,बीट अंमलदार गित्ते,अवचार,मुंजाळ आदि जण सोबत होते.तर दुपारी पर्यत गुन्हा नोंद करण्याची प्रक्रिया सुरु होती.
परळीशहर पोलिसांची हातभट्टी अडड्यावर धाडी
परळी : परळी शहरात अवैध धंद्यात मोठ्या प्रमाणावर वाढ झाली असल्याचे वृत्त विविध दैनिकात प्रकाशित होताच शहर पोलीस ठाण्याचे कर्मचारी ऍक्शन मोड मध्ये आले असून अवैध हातभट्टी निमिर्ती करणार्या अड्ड्यावर शहर पोलिसांनी धाड टाकून हजारो रुपयांची हात भट्टी दारू नष्ट केली.
परळी शहराजवळ असलेल्या व शहर पोलीस ठाणे हद्दीत येणार्या वडसावित्री भागात अवैध रित्या हातभट्टी दारू बनविण्यात येत असल्याचा गोपनीय माहिती वरून शहर पोलीस ठाण्याचे सपोनि गोसावी व त्यांच्या पथकाने वडसावित्री भागात शनिवार दि 27 रोजी सकाळी धाड टाकून या ठिकाणी शेकडो लिटर हात भट्टीची दारू, त्यासाठी लागणारे साहित्य योग्य ते सॅम्पल घेऊन जागीच नष्ट केले.शहर पोलिसांच्या या कारवाईमुळे अवैध दारू निर्मिती करणार्यात भीती निर्माण झाली आहे.