Sunday, July 25, 2021
No menu items!
Homeबीडनोकरी करणार्‍या पत्नी विरुद्ध पोटगीचा दावा पतीचा अर्ज न्यायालयाकडून रद्द

नोकरी करणार्‍या पत्नी विरुद्ध पोटगीचा दावा पतीचा अर्ज न्यायालयाकडून रद्द


बीड (रिपोर्टर)- येथील कौटुंबिक न्यायालयाचे न्यायाधीश श्रीमती सानिका जोशी यांनी एक ऐतिहासिक निकाल देताना नोकरी करणार्‍या पत्नीच्या विरुद्ध पोटगी मागणार्‍या पतीचा पोटगीचा आज दि. २८ जानेवारी रोजी नामंजूर केला.
बीड येथील शेख झिशान याने त्याची शिक्षीका म्हणून नोकरी करणारी पत्नी हिच्याविरुद्ध बीड येथी प्रथम वर्ग न्यायदंडाधिकारी यांच्या न्यायालयात कलम १२५ सी.आर.पी.सी. प्रमाणे पोटगी मिळणे बाबत अर्ज दाखल केला होता. नंतर ते प्रकरण बीड येथील नव्याने सुरू झालेल्या कौटंबिक न्यायालयात वर्ग करण्यात आला. नोकरी करणारी पत्नी हिने न्यायालयात आपल्या वकीलामार्फत असा बचाव केला की, कलम १२५ सीआरपीसी प्रमाणे फक्त पत्नी, मुले व आई-वडिल यांनाच पोयगी मागण्याचा अधिकार आहे. कायद्याप्रमाणे पतीला कलम १२५ सीआरपीसी प्रमाणे पोटगी मागण्याचा अधिकार राहत नाही तसेच पतीचा अर्ज न्यायालयात चालू शकत नाही, असा बचाव पत्नीच्या वतीने न्यायालयात दाखल करण्यात आला होता. न्यायालयाने पत्नीचा बचाव मान्य करून कायद्याप्रमाणे पतीला नोकरी करणार्‍या पत्नीविरुद्ध कलम १२५ सीआरपीसी प्रमाणे पोटगी मागता येत नाही म्हणून पतीचा पोटगीचा अर्ज नोकरी करणार्‍या पत्नीविरुद्ध नामंजूर केला. सदर प्रकरणात पत्नी (गैरअर्जदार) तर्फे ऍड. सय्यद जोहेब अझहर अली यांनी काम पाहिे व त्यांना ऍड. सय्यद अझहर अली यांनी मार्गदर्शन केले.

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

Most Popular

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

error: Content is protected !!