Saturday, October 16, 2021
No menu items!
Homeक्राईमकेज शहरात विनापरवाना दारूची विक्री वाढली दारू पिऊन मद्यपी घालू लागले गोंधळ

केज शहरात विनापरवाना दारूची विक्री वाढली दारू पिऊन मद्यपी घालू लागले गोंधळ


केज (रिपोर्टर):- केज शहरासह ग्रामीण भागामध्ये अवैधरित्या मोठ्या प्रमाणात दारूची विक्री होऊ लागली. अवैध दारू विकणार्‍यांविरोधात पोलीस प्रशासन कठोर कारवाई करत नसल्यामुळेच दारू विक्रीत वाढ झाली. मद्यपी दारू पिऊन रस्त्यावर व गल्ली बोळात गोंधळ घालू लागल्याने या मद्यपींना नागरिक त्रस्त झाले आहेत.
केज पोलीस ठाण्याच्या हद्दीमध्ये अनेक ठिकाणी अवैध धंदे सुरू आहेत. या अवैध धंद्याविरोधात कठोर कारवाई केली जात नाही. अनेक ठिकाणी दारूची विक्री होऊ लागली आहे. कुठेही दारू मिळत असल्याने मद्यपी दारू पिऊन रस्त्यावर गोंधळ घालताना दिसून येत आहेत. शहरातील कानडी रोड, मंगळवार पेठ, बसस्थानक यासह अन्य परिसरात मद्यपींनी गेल्या काही दिवसांपासून गोंधळ घालण्यास सुरुवात केली. बसस्थानकात तर मद्यपी कुठेही झोपत असल्याने याचा त्रास प्रवासी महिलांना सहन करावा लागत आहे. दरम्यान मद्यपींविरोदात कारवाई करून अवैधरित्या दारू विक्री करणार्‍यांविरोधातही ठोस कारवाई करावी, अशी मागणी शहरातील नागरिकांकडून होत आहे.

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

Most Popular

error: Content is protected !!