बीड (रिपोर्टर) शहरातील साठे चौकात उभ्या असलेल्या ट्रक चालकाला तिघा जणांनी मारहाण करून त्याच्याकडील २७ हजार रूपये लुटल्याची घटना रात्री १.३० वा. घडली. त्यावेळी पेट्रोलिंग करत असलेल्या पोलिसांनी एकाला ताब्यात घेतले. याप्रकरणी शिवाजीनगर पोलिसात गुन्हा दाखल करण्यात आला आहे.
हरियाणा येथील ट्रक क्र. आर.जे.०९ जी.बी.३८७५ ही मोकळी ट्रक चालकाने साठे चौक जालना रोड बीड येथे उभी केली होती. यावेळी अज्ञात तिघा जणांनी वाहक आणि चालकाला जब्बर मारहाण केली. त्यांच्याकडे असलेली २७ हजाराची कॅश काढून घेत पळून जाण्याचा प्रयत्न केला. यावेळी बीड शहर पोलिस ठाण्याचे एपीआय ढाकणे हे पेट्रोलिंग करत असताना त्यांना या घटनेची माहिती मिळाली. त्यांनी यातील एका आरोपीला ताब्यात घेत शिवाजीनगर पोलिसांच्या स्वाधीन केले. मात्र कॅश घेवून दोघे फरार झाले आहेत. याप्रकरणी शिवाजीनगर पोलिसात गुन्हा दाखल करण्यात आला आहे.
